Plantun de Prouvènço

Pèr coumpara dos planto d'encò nostre

Picea glauca & Ranunculus acris

Serento(-verdalo)

Picea glauca

Pinaceae

Àutri noum : Serénta, Sarento, Sourento, Serinte, Sùfi.

Nom en français : Epinette blanche.

Descripcioun :
Aquesto serento nous vèn d'Americo de l'uba (Alaska e Canada). En Prouvènço èi pas couneigudo coume planto de rebouscage (au contro di Pirenèio e de l'Aubrac). Sèmblo proun à nosto serento, pamens li fueio, aleva di jouino que soun bruno, soun bèn verdalo. Li pigno soun mens longo peréu (2,5 à 6 cm). Aquéstis aubre vènon de l'Erbo-blanco en Alouos (04). Sabèn pas se van se naturalisa.

Usanço :
Dèu agué li mémis usanço que la serento.

Port : Aubre
Taio : 10 à 30 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Picea
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2000 m
Aparado : Noun
Abriéu à juliet

Liò : Sapiniero
Estànci : Mountagnard à Subaupen
Couroulougi : Éurasiatico
Ref. sc. : Picea glauca (Moench) Voss, 1907

Boutoun-d'or

Ranunculus acris

Ranunculaceae

Àutri noum : Bacineto, Poumpoun-d'or, Loup-pauto, Pato-de-loup, Bacin-d'or.

Noms en français : Renoncule âcre, Bouton-d'or.

Descripcioun :
Lou boutoun-d'or es uno planto couneigudo mai pas toujour bèn destriado de si cousino di flour jauno peréu. Arregarda li sepalo peludo que dèvon èstre pegado contro li petalo e li fueio telado e descoupado (mai pas fin qu'au pecou). Lis akène negre an un bè un pau recourba.

Usanço :
Tóuti li ranouncle caupon de proutouanemounino, empouisounanto. Avèn pas trouba d'usanço particulièro au nostre. D'ùni pople indian d'Americo n'en manjon li fueio après en agué fa bouli mant'un cop li fueio. Aquéli servien peréu pèr sougna li mau de tèsto. Pòu tencha la lano en vióulet emé de bicarbounato de soudo.